«Astana-Qaraǵandy» avtojolynyń «Astana-Temirtaý» ýchaskesinde jol qatynasy shekteldi
ASTANA. 23 aqpan. QazAqparat - 2011 jylǵy 23 aqpanda saǵat 9.25-ten bastap aýa raıynyń qolaısyzdyǵy (boran, qar) jáne joldyń nashar kórinýi saldarynan «Astana-Qaraǵandy» avtojolynyń «Astana-Temirtaý» ýchaskesinde avtokóliktiń barlyq túrine jol júrýge tyıym salyndy,
dep habarlady QR Kólik jáne kommýnıkatsııa mınıstrliginiń baspasóz qyzmeti.
QR Kólik jáne kommýnıkatsııa mınıstrliginiń «Qazaqavtojol» RMK-da avtomobıl joldarynyń jabylǵan ýchaskeleri jóninde halyqty habardar etý úshin táýlik boıy dıspetcherlik qyzmet jumys isteıdi, baılanys telefony (7172) 44-46-85. Sonymen qatar, joldar jónindegi shuǵyl aqparat www.mtk.gov.kz, www.kad.gov.kz, www.kazavtodor.kz saıttarynda jarııalanady.
