Astana – Qaraǵandy tasjolynyń bir bóligi eki aptaǵa jabylady
ASTANA. KAZINFORM — Astanada jol jóndeý jumystaryna baılanysty Astana–Qaraǵandy tasjolynyń bir bóliginde kólik qozǵalysyna ýaqytsha shekteý engiziledi.
Qala ákimdiginiń málimetinshe, Qobda tuıyq kóshesinen A-135 kóshesine deıingi aralyqta jol tóseminiń joǵarǵy qabatyn tóseý jumystary júrgiziledi.
— Osyǵan baılanysty 29 shilde men 12 tamyz aralyǵynda atalǵan ýchaskede kólik qozǵalysy ishinara jabylady. Bul kezeńde avtokólikter joldyń bir jolaǵymen eki baǵytta kezektesip qatynaıdy, — delingen habarlamada.
Ákimdik júrgizýshiler men jaıaý júrginshilerge qozǵalys baǵytyn aldyn ala josparlap, ýaqytsha engiziletin ózgeristerdi eskerýge keńes berdi.
Sondaı-aq jol qaýipsizdigin qamtamasyz etý úshin jóndeý aımaǵynda ýaqytsha jol belgileri men baǵyttaýshy kórsetkishter ornatylady.
Eske salaıyq, buǵan deıin Astana – Qaraǵandy tasjolynda jol apatyna baılanysty bir jolaq jabylǵanyn habarlaǵan edik.
