Astana-Qaraǵandy tasjolyndaǵy jóndeý jumysyna baılanysty kólik qozǵalysy baıaýlaıdy
ASTANA. KAZINFORM – Respýblıkalyq mańyzy bar KAZ01 «Astana – Qaraǵandy – Almaty» avtojolynyń Astana – Qaraǵandy baǵyty boıynsha 0-16 shaqyrym aralyǵynda ortasha jóndeý jumystary júrgizilip jatyr, dep habarlaıdy «QazAvtojol» ulttyq kompanııasy.
Qazirgi ýaqytta polımerli qıyrshyq tasty-mastıkalyq asfaltbeton tóseý, rolıkti tosqaýyl qorshaýlaryn ornatý, granıt bordıýrlerin qoıý jáne baǵdarsham nysandaryn qaıta jabdyqtaý jumystary atqarylýda.
- Atalǵan ýchaske Mıchýrıno, Kúıgenjar jáne Jibek Joly eldi mekenderiniń mańynan ótetindikten, kólik qozǵalysynyń baıaýlaýy men ýaqytsha keptelister bolýy yqtımal, - dep eskertti jaýapty vedomstvo.
«QazAvtojol» ýaqytsha qolaısyzdyqtar úshin keshirim surap, júrgizýshilerge saparlaryn josparlaý kezinde jóndeý jumystary júrip jatqan aýmaqty eskerýdi usynady.
Aıta keteıik, Almatyda jol jóndegen merdigerlerdi polıtsııa tekserip jatyr.
