Astana – Qaraǵandy tasjolynda bir jolaq jabylady
ASTANA. KAZINFORM — Búgin, 11 shildede Astana — Qaraǵandy — Almaty avtojolynyń 42-shaqyrymynda kólik qozǵalysy ýaqytsha shekteledi.
QazAvtoJol málimetinshe, shekteý 10 shildede bolǵan jol-kólik oqıǵasynan keıin zaqymdanǵan barerlik qorshaýdy qalpyna keltirý jumystaryna baılanysty engiziledi.
Jóndeý kezinde jol qyzmetteri qorshaýdy túzetý jáne qalpyna keltirý jumystaryn júrgizedi. Oǵan tórt arnaıy tehnıka tartylady.
— Jol qozǵalysy qaýipsizdigin jáne jumysshylardyń qaýipsizdigin qamtamasyz etý maqsatynda jóndeý júrgiziletin ýchaskede Astana qalasy baǵyty boıynsha bir qozǵalys jolaǵy ýaqytsha jabylady, — delingen habarlamada.
Jumystardy 11 shilde kúni saǵat 18:00–ge deıin aıaqtaý josparlanyp otyr.
Kompanııa júrgizýshilerge atalǵan ýchaskede jyldamdyqty tómendetip, ýaqytsha jol belgileri men mamandardyń nusqaýlaryn saqtaýdy eskertti.
Eske salaıyq, buǵan deıin Abaı oblysynda jaýyn-shashyn saldarynan joldyń bir bóliginde kólik qozǵalysyna ýaqytsha shekteý engizilgenin jazǵanbyz.
