«Astana — Qaraǵandy — Almaty» trassasynda kólik qozǵalysy on kúnge shekteledi
ASTANA. KAZINFORM — 8 shildeden bastap Almaty oblysynda «Astana — Qaraǵandy — Almaty» avtojolynyń ýchaskesinde kólik qozǵalysyna ýaqytsha shekteý qoıylady, dep habarlaıdy «QazAvtoJol» UK baspasóz qyzmeti.
«QazAvtoJol» ulttyq kompanııasy» AQ Almaty oblysynda respýblıkalyq mańyzy bar KAZ-01 «Astana — Qaraǵandy — Almaty» avtomobıl jolyn ortasha jóndeý aıasynda 1121–1186 shaqyrym jáne 1194–1209 shaqyrym aralyǵyndaǵy ýchaskelerde jol jumystary júrgiziletinin habarlady.
— Osyǵan baılanysty 2026 jylǵy 8–18 shilde aralyǵynda Aqsaı — Jibek joly ýchaskesinde, 1177–1186 shaqyrym aralyǵynda kún saıyn saǵat 06:00–den 20:00–ge deıin kólik qozǵalysyna ýaqytsha shekteý engiziledi. Jóndeý jumystary kezeńinde qozǵalys aınalma baǵyt arqyly uıymdastyrylady, — deıdi mamandar.
Sonymen qatar 2026 jylǵy 8 shildeden bastap Kúrti — Shabyt ýchaskesinde, 1121–1177 shaqyrym aralyǵynda kólik qozǵalysy ashylady.
— Júrgizýshilerden sapardy aldyn ala josparlaýdy, ýaqytsha jol belgileriniń talaptaryn saqtaýdy jáne júrgizilip jatqan jumystarǵa túsinistikpen qaraýdy suraımyz, — delingen habarlamada.
Osyǵan deıin Túrkistan oblysynda aptap ystyqtan jol jabyny kóterilip ketkenin jazǵanbyz.
