«Astana» kapıtany Avstralııadaǵy jarysta úzdikter ondyǵyna kirdi
ASTANA. QazAqparat - «Astana» komandasy Avstralııanyń Djelong qalasynda ótken «Keıdel Evans Greıt Oýshn Roýd Reıs» (164 km) álemdik týrynyń birkúndik jarysynda óte sátti oıyn ótkizdi, dep jazady Sports.kz.
Avstralııa ulttyq quramasynyń eki oıynshysymen birge jarysqa túsken Laýrens De Vrız kóshbasshylar tobynda eń belsendi jarysýshy boldy. Márege shamamen 40 shaqyrym qalǵan kezde, Challambra asýyna kezekte ret kóterilgen soń Laýrens De Vrız bárinen ozyp, márege deıin 25 shaqyrym qalǵansha bir ózi kósh bastap turǵan, bul kezde ony «Astana» komandasyndaǵy dosy Davıde Ballerını qýyp jetti. Budan keıin jarysty Ballerını basqaryp, qashyqtyqtyń sońǵy 9 shaqyrymynda ózine jetip alǵan pelotonǵa qarsy jarysqan. Aqtyq kezeńde «Astana» komandasynyń kapıtany Lýıs Leon Sanches birneshe ret shabýyl jasamaq bolǵan, biraq onyń da, basqa jarysýshylardyń da negizgi toptan ketý áreketterinen túk shyqpady. Aqyry, jarystyń taǵdyry sprınt kezinde sheshilgen. Onda Italııa chempıony Elıa Vıvıanı jeńiske jetti. Lýıs Leon Sanches úzdikter ondyǵyn jaýyp, onda 10-shy oryn aldy.
