Astana qalasynyń jol polıtsııasy kúsheıtilgen qyzmet túrine kóshirildi
ASTANA. 8 aqpan. QazAqparat - Astana qalasynyń Jol polıtsııasy qalada jarııalanǵan «Qaýipsiz jol» jedel-aldyn alý is-sharasy sheńberinde 10 aqpanǵa deıin kúsheıtilgen jumys túrine kóshirildi,
dep habarlaıdy qalalyq jol polıtsııasy basqarmasynyń baspasóz qyzmeti.
«Jol-kólik oqıǵalaryn jáne jolda júrý erejelerin buzý faktilerin anyqtaý maqsatynda Astanada 8-10 aqpan aralyǵynda «Qaýipsiz jol» jedel-aldyn alý is sharasy ótedi», - delingen habarlamada.
Baspasóz qyzmetiniń málimetteri boıynsha, is-shara barysynda kósheniń belgilenbegen jerlerinen ótetin jaıaý júrginshilerge jáne jaıaý júrginshiler ótkelinde jol erejelerin buzatyn, avtokólikti mas kúıinde basqaratyn júrgizýshilerge, sonymen qatar rólde otyryp, uıaly telefonmen sóılesken jáne jyldamdyqty asyrǵan júrgizýshilerge úlken kóńil bólinbek.
«Jedel-aldyn alý sharasy barysynda Astana qalasyndaǵy jol polıtsııasy jeke quramynyń barlyq qyzmetkerleri kúsheıtilgen qyzmet isteý túrine kóshiriledi», delingen baspasóz habarlamasynda.
