Astana qalasynyń «Jastar» teatry kórermenin tánti etti
ASTANA. QazAqparat - «Jastar» teatry N. Gogoldyń «Revızor» komedııasymen attas qoıylymdy kórermender nazaryna usyndy. Spektakldi elorda ákimi Ádilbek Jaqsybekov te tamashalady, dep habarlady astana.gov.kz.
Qoıylym erekshe formatta kórsetildi. N. Gogoldyń komedııasymen qoıylǵan spektakl qazirgi zamanǵa saı úlgide daıyndalǵan.
Teatr rejısseri Bekbolat Qurmanǵojaevtyń aıtýynsha, olar qoıylymda basqalarynan erekshe, qarapaıymdylyq pen dástúrlilikten aýlaq bolýǵa, sondaı-aq kórermenderin tánti etý úshin spektaklderge jańashyldyqtar men zamanaýı belgiler berýge tyrysady.
"Sársenbiniń sátti kúninen bastap, jeksenbi kúnine sheıin kúndelikti spektaklderimizdi kórermenderdiń nazaryna usynyp otyrmyz. Qazirgi tańda óz kórermenderimizdi qalyptastyrdyq dep oılaımyn", dedi «Jastar» teatrynyń dırektory Aıbolat Seksenbaev,
Astanalyq teatr óz esigin 2007 jyly ashqan bolatyn. Sol kúnnen bastap teatr kóptegen baıqaýlarda Gran-prı ıegeri atanyp, Qazaqstanda ǵana emes, shet elderde de keńinen tanymal boldy. Búginde "Jastar" teatrynyń repertýarynda 20 astam spektal men balalarǵa arnalǵan 5 ertegi bar. Ujymda barlyǵy 40 ártis óner kórsetedi. "Jastar" teatrynyń bıletteri qoljetimdi. Bılettiń quny 500-den 1000 teńgege deıin. Balalar men zeınetkerlerge jeńildikter qarastyrylǵan.
