Astana qalasynyń turǵynyn óltirgen Reseı azamaty izi sýymaı ustaldy
ASTANA. 25 qazan. QazAqparat - Elorda saqshylary Astana qalasynyń turǵynyn óltirgen Reseı Federatsııasynyń azamatyn izin sýytpaı ustady.
Bul týraly qalalyq Іshki ister departamentiniń baspasóz qyzmetinen habarlady.
Málim bolǵandaı, páterde týǵan kúndi toılap otyrǵan jastarǵa Reseıdiń Omby qalasynda týǵan 25 jastaǵy L. esimdi azamat qosylǵan. Spırttik ishimdikter ishilgennen keıin, týǵan kún ıesi men reseılik azamattyń arasynda túsinispeýshilik paıda boldy. Qarym-qatynasty sońyna deıin jetkizý úshin syrtqa shyǵyp sóılesýdi suraǵan reseıli ózimen pyshaq alyp shyǵyp, tóbeles barysynda jábirlenýshini ishinen pyshaqpen jaraqattaıdy. Alǵan jaraqattan toı ıesi aýrýhanaǵa jetpeı kóz jumdy.
Qylmystan keıin izin sýytpaq bolǵan Reseı azamatyn Astana qalasy, Almaty aýdandyq Іshki ister basqarmasynyń qyzmetkeleri ony dostarymen birge jaldap turǵan páterinen qolǵa túsirdi. Ol osy fakti boıynsha istegen qylmysyn moıyndady.
Qazir QR QK 103-baby boıynsha qylmystyq is qozǵalyp, tergeý amaldary júrgizilýde.
