Astana qalasynyń turǵyn úı komıssııasy «memlekettik qyzmetker» sanaty boıynsha eń joǵary ball jınaǵan úmitkerlerdiń arasynda irikteýdi bastaıdy
eń joǵary baldar jınaǵan úmitkerlerdiń arasynda irikteý júrgize bastaıdy, dep habarlaıdy QazAqparat qala ákimdiginiń baspasóz qyzmetine silteme jasap.
Astana qalasynyń turǵyn úı komıssııasy ótken juma, jeltoqsannyń 4-i kúngi otyrysynda 2008-2010 jyldarǵa arnalǵan Qazaqstan Respýblıkasynyń memlekettik turǵyn úı baǵdarlamasyna qatysýshylardyń baldaryn tolyǵymen bekitip, búginnen bastap «memlekettik qyzmetker» sanaty boıynsha eń joǵary ball jınaǵan úmitkerlerge irikteý júrgizetin bolady. Memlekettik qordan baspanaǵa ıe bolǵan memlekettik qyzmetkerlerdiń tizimi Astana qalasy ákimdiginiń resmı saıtynda (www.astana.kz .) jarııalanady.
«Baldardy bekitý merziminiń keıinge shegerilýiniń sebebi - «memlekettik qyzmetker bolyp tabylmaıtyn, memlekettik mekemelerdiń qyzmetkerleri» sanaty boıynsha baldardyń qaıta eseptelýi boldy. Baldardy qaıta esepteý, QR Úkimetiniń 2009 jylǵy qarashanyń 6-syndaǵy №1770-shi qaýlysyna sáıkes júrgizildi. ıAǵnı, memlekettik baǵdarlamaǵa atalmysh sanat boıynsha qatysýshylardyń, memlekettik bıýdjet esebinen qarjylandyrylatyn memlekettik organdar men mekemelerdegi eńbek ótilderi qaıta eseptelip, qosymsha baldar taǵaıyndaldy», dep atap ótti baspasóz qyzmetinen.
Sondaı-aq buǵan deıin taǵaıyndalǵan baldarmen kelispeýge qatysty azamattardyń aryz-ótinishteri boıynsha «balalary bar jas otbasylar» jáne «memlekettik qyzmetkerler» sanattary boıynsha baldar qaıta bekitildi.
