Astana qalasynyń Tótenshe jaǵdaılar departamentine jańa basshy taǵaıyndaldy

ASTANA. QazAqparat - Búgin QR Іshki ister mınıstrligi TJ komıtetiniń tóraǵasy general-maıor V.V.Petrov Astana qalasy Tótenshe jaǵdaılar departamentiniń ujymyn jańa basshy - órtke qarsy qyzmet polkovnıgi Barat Ospanuly Duzaqbaevpen tanystyrdy.

Bul týraly vedomstvonyń baspasóz qyzmeti habarlady.

Ol Qazaqstan Respýblıkasy Іshki ister mınıstri Q.Qasymovtyń buıryǵymen taǵaıyndaldy.

Órtke qarsy qyzmet polkovnıgi B. Duzaqbaev 1965 jyly 5 maýsym kúni Shyǵys Qazaqstan oblysy, Úrjar aýylynda dúnıege kelgen. Taǵaıyndaýǵa deıin Astana qalasy TJD bastyǵynyń orynbasary qyzmetin atqarǵan. B. Duzaqbaev órtke qarsy qyzmet organdary júıesinde 2001 jyldan bastap jumys isteıdi. Ol ár túrli laýazymdarda qyzmet etken, eńbek jolyn órt sóndirý bóliminiń ınspektory qyzmetinen bastaǵan. Reseı TJ mınıstrliginiń Sankt-Peterbýrg Memlekettik órtke qarsy qyzmet ýnıversıtetin támamdaǵan. Departament bastyǵynyń orynbasary laýazymynda Memlekettik órt baqylaý basqarmasynyń, aýdandyq Tótenshe jaǵdaılar basqarmalarynyń memlekettik órt baqylaý bólimsheleriniń, Astana q. TJD «ÓSQ jáne AQJ» MM jumysyna jetekshilik etti.

ІІ, ІІІ-shi dárejeli «Tótenshe jaǵdaılar júıesine eńbegi sińgen qyzmetker», «Órtke qarsy qyzmet organdaryndaǵy minsiz qyzmeti úshin», «Tótenshe jaǵdaılarynyń aldyn alýda jáne joıýda úzdik shyqqany úshin» medaldarymen, «Qazaqstan Respýblıkasynyń Táýelsizdigine 20 jyl» mereıtoılyq medalimen, Qazaqstan Respýblıkasynyń Prezıdentiniń alǵys hatymen marapattalǵan.

Úılengen, 2 balasy bar.