Astana qalasynyń Tótenshe jaǵdaılar departamenti elordanyń mektep oqýshylarymen ınteraktıvti sabaq ótkizdi
ASTANA. Qyrkúıektiń 29-y. QazAqparat /Gúlmıra Álıakparova/ - Búgin Astana qalasynyń Tótenshe jaǵdaılar departamenti elordanyń mektep oqýshylarymen «Órt qaýipsizdigi» taqyrybynda ınteraktıvti sabaq ótkizdi. Bul týraly atalmysh departamenttiń baspasóz qyzmetinen málim etti.
Bilim basqarmasymen birlesip uıymdastyrylǵan ınteraktıvti sabaq QR TJM-nyń krızıstik ortalyǵynda ótti. Sabaqty Astana qalasy boıynsha TJD-nyń baspasóz qyzmetkerleri atap aıtqanda, órt sóndirý qyzmetiniń kapıtany Aıagóz Fazylova men maıor Bıbigúl Esmaǵanbetova ótkizdi.
Sabaqqa 1 myńnan astam oqýshy qatysty. Sharanyń basty maqsaty - balalarǵa órt qaýipsizdigi erejelerin saqtaýdy jáne órt kezindegi alǵashqy sharalardy úıretý.
Oqýshylarǵa úsh taqyryp boıynsha tereń maǵlumattar berildi, olar - ottyń shyǵý sebepteri, ony boldyrmaýdyń joldary men órt bolǵan jaǵdaıda jasalýy tıis áreketter.
Taqyrypty bekitý úshin balalarǵa oqytý maqsatyndaǵy jáne Tótenshe jaǵdaılar mınıstrligi qutqarýshylarynyń kásibimen tanystyrýǵa arnalǵan beınerolıkter kórsetildi. Óz kezeginde sabaqqa qatysýshylar kókeılerindegi saýaldaryna mardymdy jaýaptar aldy.
