Astana qalasynyń soty nesıege qyzmet kórsetý úshin komıssııalyq alymdy zańsyz dep tanydy
«Sot taraptar arasynda bankten nesıe berý týraly kelisimshart jasalǵanyn anyqtady. Oǵan sáıkes, bank pen qaryz alýshynyń arasynda banktyń qaryz alýshyǵa nesıe usynatyny týraly kelisim jasalǵan. Sot bankten nesıe berý kelisimshartyndaǵy qaryzǵa qyzmet kórsetý úshin tólemaqy belgileý jónindegi talaptar bóligin jaramsyz dep tanydy. Bank nesıege qyzmet kórsetkeni úshin komıssııany aldyn ala ustap qalady», - dep habarlady Astana qalalyq sotynyń baspasóz qyzmetinen.
Aıta keterligi, bank jáne bank qyzmeti, tólemder men aqsha aýdarymdary týraly zańnama talaptaryna, qaǵıdattarǵa jáne basqa da zańnamalyq aktilerge, naqtylaı ketkende bank operatsııalary jáne bank qyzmetterin kórsetý, bank shottary, sondaı-aq nesıe jáne ıpotekalyq sharttardyń normalaryna sáıkes, sot nesıege qyzmet kórsetý úshin komıssııalyq alym belgileý zańsyz ekenin anyqtady.
Nesıege qyzmet kórsetýdi jekelegen bank qyzmeti retinde qarastyrýǵa bolmaıdy. Budan basqa, bank syıaqy alady.
Іs materıaldaryn qarastyrǵan sot aryz talaptardy qanaǵattandyrdy.
Sot sheshimi zańdy kúshine engen joq.
