Astana qalasynyń Saryarqa jáne Esil aýdandarynyń jańa ákimderi taǵaıyndaldy

Búgin tańerteń Astana ákimdiginde qalalyq máslıhattyń kezekten tys 74-shi sessııasy ótti. Jańa taǵaıyndaýlar týraly usynysty elorda ákimi Imanǵalı Tasmaǵambetov jasady.

Sessııaǵa qatysqan depýtattardyń biraýyzdan qoldaýymen buǵan deıin Saryarqa aýdanyn basqarǵan Sábılıa Saparqyzy Mustafına - Esil aýdanynyń ákimi, Astana qalalyq máslıhatynyń hatshysy qyzmetine jýyrda ǵana taǵaıyndalǵan Ermek Sabyrbekuly Ospanov - Saryarqa aýdanynyń ákimi bolyp taǵaıyndaldy.

Sessııada málim bolǵanyndaı, Esil aýdanynyń burynǵy ákimi Qaırat Jańabergenov basqa jumysqa aýysty. Eske sala keteıik, Astana qalasynyń úshinshi - Almaty aýdandyq ákimdigin Sapar Ahmetov basqarady.