Astana qalasynyń prokýratýrasy elordanyń keıbir mektepterindegi sabaq kestesin ózgertý týraly máselege qatysty túsinikteme berdi

«Mektepterdegi sabaq kestesiniń bulaı ózgerýi qoldanystaǵy zańnamaǵa qaıshy keletin bolǵandyqtan (bilim berý uıymdarynda oqý sabaqtary saǵat segizden erte bastalmaýy tıis), prokýratýra organdary tekseris júrgizdi, onyń nátıjesinde qalalyq bilim basqarmasynyń naqty mundaı sheshimdi qabyldamaǵany anyqtaldy.

Sonymen qatar, qoǵamda qalyptasqan alańdaýshylyqty eskere otyryp, Astana qalasynyń prokýratýrasy a.j. 10 qyrkúıekte Astana qalasynyń ákimdigine zańnamamen belgilengen jaýapkershilikti eskerte otyryp, zańdy buzýǵa bolmaıtyny týraly aldyn ala eskertý engizdi» delingen qalalyq prokýratýranyń saıtynda jarııalanǵan habarlamada.

Esterińizge sala keteıik, 9 qyrkúıekte buqaralyq aqparat quraldarynda elordalyq 17 mekteptiń aǵymdaǵy jyldyń 14 qyrkúıeginen bastap birinshi aýysym úshin sabaqty saǵat 07:40-ta bastap, jańa jumys rejımine kóshetini týraly málimet taratylǵan bolatyn.