Astana qalasynyń polıtseıleri jappaı qan tapsyrdy

ASTANA. 18 naýryz. QazAqparat - Aǵymdaǵy jyldyń 15 naýryzynda astanalyq ishki ister departamentinde donor kúni uıymdastyryldy.

Astana qalalyq ІІD-niń basshylyǵy «Transfýzıologııa ǵylymı-óndiristik ortalyǵynyń» jyl saıynǵy qalalyq donorlyq qozǵalys bastamasyna kezekti ret qoldaý bildirip, aǵymdaǵy jyldyń 15 naýryzynda ІІD apparatynyń qyzmetkerleri arasynda «Donor kúnin» ótkizdi.

«Transfýzıologııa ǵylymı-óndiristik ortalyǵy» Astana qalasynyń ǵana emes, sondaı-aq respýblıkanyń barlyq óńirleriniń turǵyndaryna joǵary bilikti kómek kórsetetin barlyq qalalyq aýrýhanalardy, respýblıkalyq emhanalardyń barlyq medıtsınalyq klasterin, ulttyq ǵylymı medıtsınalyq ortalyqtardy qajetti qan komponentterimen qamtamasyz etedi.

ІІD apparatynyń 50-den astam qyzmetkerinen 450 mg kóleminde qan alyndy. Donorlar qan tapsyrýdyń aldynda saýalnamadan, maman-dárigerdiń qaraýynan ótti.