Astana qalasynyń órt sóndirýshileri bir kúnge «kóńildiler men tapqyrlarǵa» aınaldy
ASTANA. Qyrkúıektiń 23-i. QazAqparat - Qazaqstan halqy tilderiniń merekesin atap ótý aıasynda keshe, qyrkúıektiń 22-si kúni Astana qalasy Tótenshe jaǵdaılar departamentiniń «Órt sóndirý jáne apattyq-qutqarý jumystary qyzmeti» Memlekettik mekemesiniń qurylymdyq bólimsheleri arasynda qazaqsha KVN oıyndary ótti.
«Órt sóndirý jáne apattyq-qutqarý jumystary qyzmeti» MM baspasóz qyzmetinen málim etkendeı, Kóńildiler men tapqyrlar klýbyn uıymdastyrýdyń maqsaty - memlekettik tildiń qoldanylý aıasyn keńeıtý, memlekettik tildi damytýǵa ár adamnyń «kóńil kiltin» taba otyryp jetý jáne kúndelikti órt sóndirý, apattyq-qutqarý jumysymen aınalysyp júrgen qyzmetkerlerdi ózge qyrynan tanytý, kóterińki kóńil-kúı syılaý.
Saıysqa Astana qalasyndaǵy bes órt sóndirý bólimi qatysty. Olar bes kezeń boıynsha baq talastyrdy - «Cálem-sózdiń atasy», «5 jańalyq», «Boı jazý», «Bıatlon», «Úı tapsyrmasy: «Til týraly ańyz, ertegi».
Qazylar alqasy «ÓS jáne AQJQ» MM basshylyǵynan quraldy. Baǵalaý barysynda qatysýshylardyń sahnada ózderin ustaı bilý mádenıeti, stsenarııleriniń mazmundylyǵy, sahna kıimderi eskeriledi.
Nátıjesinde birinshi oryndy - 13-shi Órt sóndirý bóliminiń (ÓSB) «Jańa qazaqtar» komandasy, ekinshi oryndy - 2-shi ÓSB-niń «Jastar» toby jáne úshinshi júldeli oryndy - 11-shi ÓSB-niń «Egimbaıdyń baldary» qurama toby jeńip aldy.
