Astana qalasynyń máslıhaty «Jol kartasyn» qorytyndylady

Astana qalasynyń Jumyspen qamtý jáne áleýmettik baǵdarlamalar basqarmasynyń bastyǵy Alma Altybaeva habarlaǵandaı, 2009-2010 jyldary Astana qalasynyń ákimdigi 175 jobany iske qosty. Atalǵan jobalar aıasynda qalanyń turǵyn-úı kommýnaldyq sharýashylyq júıesi jáne jalpy uzyndyǵy 76,2 shaqyrymdy quraıtyn joldar jóndeldi. Áleýmettik mańyzy bar nysandar kúrdeli jóndeýden ótip, qalanyń kóptegen jerleri abattandyryldy. Osynyń arqasynda elorada 7 234 jańa jumys orny ashyldy.

Astana qalasynyń Statıstıka departamentiniń málimeti boıynsha 2011 jyldyń qańtardyń 1-ine qaraı elordada eńbekke qabileti bar 392,9 myń adamnyń 369,7-si jumyspen qamtylǵan. Jumyssyzdardyń sany - 23,3 myń. 2010 jyldyń basynda tirkelgen kórsetkishpen salystyrǵanda, Astanadaǵy jumyssyzdyqtyń deńgeıi 0,7 paıyzǵa tómendep, 5,9 paıyzdy qurady.

Jalpy, «Jol kartasy» jumyspen qamtýdyń aımaqtyq strategııasy aıasynda 20 mlrd.-tan astam teńge bólingen bolatyn. 2009 jyly 10,1 mlrd. teńge, 2010 jyly 11,5 mlrd. teńge ıgerildi.