Astana qalasynyń mańyn áleýmettik-ekonomıkalyq damytýdyń keshendi jospary ázirlendi

Keshendi jospardy qabyldaý Astana qalasynyń mańyndaǵy ınjenerlik jáne áleýmettik ınfraqurylymdy qalalyq deńgeıge jetkizýge múmkindik beredi. Bul týraly astana.kz saıtyna QR Óńirlik damý mınıstrliginiń baspasóz qyzetinen habarlady.

Eske salaıyq, «Astana qalasynyń mańyn áleýmettik-ekonomıkalyq damytýdyń 2014-2020 jj arnalǵan keshendi josparyn bekitý týraly» QR Úkimeti qaýlysynyń jobasy 2014 jylǵy 25 sáýirde Astana qalasyn odan ári damytýǵa arnalǵan otyrys barysynda Memleket basshysynyń bergen tapsyrmasyn oryndaýǵa baǵyttalǵan.

Astana qalasynyń mańynda jalpy aýdany 4 168 ga jáne halqynyń sany 109 408 myń adamdy quraıtyn elordaǵa qosylǵan 19 turǵyn alaby (Jeleznodorojnyı, Internatsıonalnyı, Dostyq, Mıchýrıno, Kúıgenjar, Promyshlennyı, Kazgorodok, Qazaq aýyl, Ońtústik-shyǵys (sol jaǵy), Ońtústik-shyǵys (oń jaǵy), Kóktal-1, Kóktal-2, Óndiris, Komsomolskıı, Zarechnyı, Telman, Ilınka, Prıgorodnyı, Qaraótkel) ornalasqan, deıdi vedomstvodaǵylar.

Keshendi josparda anyqtalǵan basty strategııalyq baǵyttar boıynsha kólik ınfraqurylymy; elektrmen jabdyqtaý nysandary; kommýnaldyq sharýashylyq obektileri; bilim salasy (jalpy bilim berý mektepteri - 21 (24 000 oryn), mektepke deıingi mekemeler - 47 (11 940 oryn), densaýlyq saqtaý salasy (bir aýysymda 3 610 adamdy qabyldaıtyn 7 emhana, otbasylyq-dárigerlik ambýlatorııa (ODA) - 7 (bir aýysymda 1 300 kelýshini qabyldaıdy, jedel medıtsınalyq járdemniń shaǵyn stantsııasy - 1 (bir aýysymda 400 kelýshige arnalǵan) damytylady.

QR Óńirlik damý mınıstrligi baspasóz qyzmetiniń habarlaýynsha, qala mańyndaǵy pýnkterde uzyndyǵy 398,12 km jol men 1520,82 km ınjenerlik jeli (sýmen qamtý, turmystyq jáne nóserli kanalızatsııa men elektrmen qamtý), sondaı-aq, 112 ınjenerlik qurylys (transformatorlyq shaǵyn stantsııalar, kanalızatsııalyq sorǵy stantsııalary men nóserli kanalızatsııany tazartý qurylysy) salý josparlanǵan.