Astana qalasynyń kommýnaldyq qyzmetteri kúsheıtilgen tártipke kóshti
ASTANA.16 qańtar. QazAqparat - Elordada eki kún boıy 15-20 m/s jyldamdyqpen jel bolyp, boran soǵyp tur. Meteorologtar daýyldy eskertý jarııalady.
«Qazgıdromet» RMK astana.kz saıtyna habarlaǵandaı, qolaısyz kún raıy qalada 17 qańtarǵa deıin saqtalady.
«16 qańtarda, beısenbi kúni, kún bultty, qar jaýady, boran soǵady. Ońtústik-batystan 9-14m/s jyldamdyqpen jel soǵady, ekpini 15-20 m/s jetedi. Túnde aýa temperatýrasy -4;-6°C, kúndiz 0;-2°C bolady», - dep boljaıdy sınoptıkter.
17 qańtarda elordada kóshpeli bult shyǵady, túnde azdap qar jaýady. Batystan 9-14 m/s jyldamdyqpen jel soǵady, túnde ekpini 15-18 m/s jetedi. Túnde aýa temperatýrasy -11;-13°C, kúndiz -6-8°C bolýy yqtımal.
QR TJ mınıstrliginiń habarlaýynsha, aýa raıynyń buzylýyna oraı (boran, joldardyń nashar kórinýi) 16.01.2014 j. saǵat 09.00 mın. «Astana-Qostanaı», «Astana-Qaraǵandy» jáne «Astana-Kókshetaý» baǵytyndaǵy joldar barlyq kólik túrleri úshin jabyldy.
Búgin Astana kóshelerindegi qardy tazalaýǵa 392 tehnıka shyqty. Bul týraly astana.kz saıtyna «Astana-Tazalyq» JShS baspasóz qyzmetinen habarlady. Keshe elordada 713 tehnıka jumys istep, 978 myń tonnadan astam qar arnaıy polıgondarǵa shyǵaryldy.
