Astana qalasynyń ІІD bıznesmen Q.Jamalıevke qatysty sotqa deıingi tergeýdiń aıaqtalǵanyn málim etti
ASTANA. QazAqparat - Astana qalalyq ІІD-niń tergeý basqarmasy Q.Jamalıev pen A.Prıbytkovqa qatysty sotqa deıingi tergeýdi aıaqtady, dep habarlady Astana qalalyq ІІD-niń baspasóz qyzmetinen.
«Qazirgi ýaqytta is materıaldarymen tanysý jumystary júrgizilip jatyr», - delingen habarlamada.
Esterińizge sala keteıik, bıznesmen Qaırat Jamalıevtiń Astana turǵyny Álibı Jumaǵulovty soqqyǵa jyǵý faktisiniń jurtshylyq arasynda úlken talqylaý týdyrýynan tergeý barysy QR Bas prokýrory men ishki ister mınıstriniń jeke baqylaýyna alyndy. Q.Jamalıev 2015 jyldyń 23 sáýirinde ustaldy, 24 sáýirde materıaldar qamaýǵa alý túrindegi bultartpaý sharasyn taǵaıyndaý úshin sotqa jiberilgen. Esil aýdany prokýrorynyń sanktsııasymen kúdikti Q.Jamalıevtiń turatyn úıi men jumys ornyna úsh ret tintý júrgizildi. 25 sáýirde polıtsııa organdary qylmystyń ekinshi qatysýshysy - Jamalıevtiń júrgizýshisi bolǵan A.Prıbytkovty ustady.
Sol kúni bultartpaý sharasyn syrttaı sanktsııalaý - úshinshi kúdikti A.Ábiltaevqa izdeý salyp, ony qamaýǵa alý týraly ótinish kelisildi.
Q.Jumalıev bir top adammen jábirlenýshi Á.Jumaǵulovqa qatysty zorlyq-zombylyq kórsetip, ony bopsalaýda aıyptalyp otyr.
