Astana qalasynyń Esil aýdanynda 2 mekteptiń ashylýy josparlanýda
ASTANA. QazAqparat - Elbasy Nursultan Nazarbaev «Nurly jol - bolashaqqa bastar jol» atty halyqqa Joldaýynda áleýmettik ınfraqurylymǵa, turǵyn úı-kommýnaldyq sharýashylyqqa jáne qazaqstandyqtardyń turmys deńgeıin kóterýge kóp kóńil bóldi. Áleýmettik baǵyttaǵy jobalardy júzege asyrýdyń basty máselesi bolyp úsh aýysymdyq oqý júıesin jáne mektepke deıingi mekemelerdegi kezekti joıý bolyp tabylady.
Esil aýdany ákiminiń orynbasary Gúlnár Qasenovanyń aıtýynsha, 2014 jyly aýdanda 3600 oryndyq 3 mektep pen 240 oryndyq balabaqsha salyndy. Aldaǵy ýaqytta 1200 oryndyq 2 mektep pen jalpy jobalyq qýaty 480 oryndy quraıtyn 2 balabaqsha ashylady dep kútilýde, dep habarlaıdy elorda ákimdiginiń resmı saıty.
Jalpy, aýdan boıynsha 11 memlekettik balabaqsha men 10 mektep, 2 kolledj ben 3 ýnıversıtet qyzmet kórsetedi. Onyń ishinde Elbasynyń bastamasymen ashylǵan Kásibı-tehnıkalyq kolledj, Nazarbaev ýnıversıteti men Tuńǵysh Prezıdent - Elbasy atyndaǵy Ulttyq qorǵanys ýnıversıteti bar.
«Jańa ekonomıkalyq saıasattyń negizgi baǵyttary týraly aıta otyryp, Prezıdent zamannyń jańa talaptaryn tek myqty memleketter men yntymaǵy jarasqan elder ǵana oryndaı alatynyn jetkizdi. Árıne, senim men toleranttylyq - bul qarqyndy damý men jarqyn bolashaqtyń kepili. Táýelsiz Qazaqstannyń jetistikterin eseleý bizdiń qolymyzda!» - dedi Gúlnár Qasenova.
