Astana qalasynyń energııamen jabdyqtaýshy uıymdaryna 1,5 mlrd. teńgege jýyq aıyppul salyndy
ASTANA. 13 qyrkúıek. QazAqparat - Qazaqstan Respýblıkasy Tabıǵı monopolııalardy retteý agenttiginiń astanalyq departamenti Astana qalasynda tirkelgen energııamen jabdyqtaýshy uıymdardyń qyzmetine baqylaýdy kúsheıtý maqsatynda tekserý júrgizdi.
Bul týraly TMRA-nyń baspasóz qyzmetinen habarlandy.
Tekserý nátıjesi boıynsha, Qazaqstan Respýblıkasynyń «Elektr energetıkasy týraly» zańynyń energııamen jabdyqtaýshy uıymdarǵa elektr energııasyn basqa energııamen jabdyqtaýshy uıymǵa ótkizýge (satýǵa) tyıym salatyn 13 babyn buzǵany úshin «Inter RAO Ortalyq Azııa» jáne «S.A.P. Astana» jaýapkershiligi shekteýli seriktestikteri ákimshilik jazaǵa tartyldy.
TMRA aımaqtyq departamentiniń qaýlylarymen «Inter RAO Ortalyq Azııa» JShS 683 174 203,8 teńge segiz tıyn mólsherinde jáne «S.A.P. Astana» JShS 761 394 109 teńge mólsherinde aıyppul túrinde ákimshilik jazaǵa tartyldy.
«S.A.P. Astana» JShS Astana qalasynyń mamandandyrylǵan aýdanaralyq ákimshilik sotyna Departamettiń qaýlysyna shaǵym aryz túsirdi.
Alaıda, Astana qalasynyń mamandandyrylǵan aýdanaralyq ákimshilik sotynyń sheshimimen Departamettiń qaýlysy ózgerissiz qaldyrylyp, «S.A.P. Astana» JShS shaǵymy qanaǵattandyrylǵan joq.
