Astana qalasynyń Densaýlyq saqtaý jáne Aýyl sharýashylyǵy basqarmalaryna jańa basshylar taǵaıyndaldy

Bul týraly ákimdikten habarlady.

Astana qalasynyń Aýyl sharýashylyǵy basqarmasynyń bastyǵy bolyp buǵan deıin elordanyń Kásipkerlik jáne ónerkásip basqarmasy bastyǵynyń orynbasary qyzmetin atqarǵan 33 jastaǵy Marat Dalabaev taǵaıyndaldy. Ol bul qyzmette zeınetke shyqqan Amangeldi Aıtjanovty almastyrdy.

Sondaı-aq 14 sáýirden bastap Densaýlyq saqtaý basqarmasy bastyǵynyń mindetin atqarýshy qyzmetine buǵan deıin №2-shi qalalyq aýrýhananyń bas dárigeri bolǵan Aıgúl Segizbaeva kiristi. Basqarmanyń burynǵy bastyǵy Dáýlethan Esimovtyń laýazymy joǵarylap, ol QR Densaýlyq saqtaý mınıstrligi Medıtsınalyq qyzmettiń sapasyn baqylaý komıteti tóraǵasynyń orynbasary qyzmetine aýystyryldy.