Astana qalasynyń Bas dızaıneri Saǵyndyq Janbolatov qyzmetinen ketti
ASTANA. 22 naýryz. QazAqparat - Astana qalasynyń Bas dızaıneri Saǵyndyq Janbolatov qyzmetinen ketti. Bul týraly Astananyń ákimi Imanǵalı Tasmaǵambetov blogyna qala turǵynynan kelip túsken suraqqa jaýap berý kezinde málim boldy.
Qala basshysynyń sózine qaraǵanda, S. Janbolatov óz stýdııasynda shyǵarmashylyq jumyspen aınalysýdy qalaǵan.
«Jýyrda biz Saǵyndyq Janbolatovtyń shyǵarmashylyq jumysyn ótkizdik. Ol 5 jyl boıy Astana qalasynyń Bas dızaıneri boldy. Elordamyzdyń kúnnen kúnge kórkeıýine úles qosyp, ádemi de erekshe arhıtektýralyq sánin keltirdi. Biz onyń jeke shyǵarmashylyqpen aınalysam degen nıetine syılastyqpen qaraımyz», - dedi qala ákimi.
I. Tasmaǵambetov Astana qalasynyń Bas dızaıneri qyzmetine basshy taǵaıyndaý boıynsha baıqaý zańmen belgilengen tártipte ótetindigin atap ótti.
