Astana qalasynyń barlyq meshiti qaıta tirkeýden ótti
ASTANA. 13 qyrkúıek. QazAqparat - 12 qyrkúıek kúni Astana qalalyq Din isteri departamentiniń dırektory Jorabek Dáýrenov
Qazaqstan musylmandary dinı basqarmasynyń naıb-múftıi, Astana qalasy boıynsha ókil ımamy, «Nur-Astana» meshitiniń bas ımamy Qalıjan Zańqoevpen kezdesti. Bul týraly QR Din isteri Agenttiginiń baspasóz qyzmetinen habarlady.
Kezdesýde QMDB-nyń ókili Qalıjan Zańqoev elordadaǵy 6 meshittiń jergilikti Ádilet departamentinde eseptik qaıta tirkeýden ótkenin málimdedi. Sonymen qatar 6 shildede Astana tórinde boı kótergen Ortalyq Azııadaǵy alyp nysan - «Áziret Sultan» meshiti de alǵash ret resmı tirkeldi.
«Elordamyzda qazaq halqynyń rýhanı baılyǵy men ulylyǵyn aıshyqtaıtyn jeti meshittiń bári Qazaqstan musylmandary dinı basqarmasynyń fılıaldary bolyp sanalady», - dep atap ótti agenttiktiń baspasóz qyzmeti.
