Astana qalasynyń aýa lastanýy tıisti normadan aspaǵan
ASTANA. QazAqparat - Astanada atmosferanyń lastaný ındeksi osy jyldyń qańtar-qarasha aılarynda 4,91 birlikti qurady, sáıkesinshe lastaný deńgeıi tómen.
Bul týraly Astana qalasynyń tabıǵı resýrstar jáne tabıǵat paıdalanýdy retteý basqarmasynyń basshysy Musa Tanabaev aıtty, dep habarlaıdy ákimdiktiń medıa ortalyǵy .
«Astananyń atmosferalyq aýanyń lastaýshylardyń negizgi úlesin quraıtyndar: avtokólik quraldary - 53 %, JES-1 jáne JES-2 - 25%, basqa statsıonarlyq kózderi (avtonomdy qazandyq, jeke kásiporyndar, memlekettik mekemeler) - 17%», - dep atap ótti Elordanyń aýa basseıniniń lastanýyna arnalǵan brıfıng barysynda energetıka basqarmasynyń basshysy Baqtybek Japaev.
Elordada statsıonarlyq kózderden shyǵaryndylardy qysqartý maqsatynda birqatar ekologııalyq is-sharalar júrgizilýde. Atap aıtqanda, «Astana-Energııa» AQ tabıǵatty qorǵaý is-sharalary boıynsha azot totyqtaryn basý, kúldi azaıtý boıynsha jumystar júrgizdi. Sonyń nátıjesinde astanalyq JES jylyna 450 tonna kúl shyǵaryndylaryn qysqartýǵa múmkindik aldy.
«Jyl saıyn eki JES-nyń kúl úıindilerinen 115 myń tonna kúldi qurylys jáne jol qurylysy maqsattary úshin tutynýshylar paıdalanady», - dedi M. Tanabaev.
