Astana qalasynyń ákimi jolaýshylar avtobýsy men «KamAZ» kóliginiń soqtyǵysýyn «soraqylyq» dep atady
ASTANA. QazAqparat - Elordada bıyl jol-kólik oqıǵalary men tehnıkalyq buzylystar sanynyń artýy baıqalady. Bıyl qazan aıynda ótken jyldyń sáıkes merzimimen salystyrǵanda JKO sany 83-ke ósken. Bul týraly búgin Astana qalasy ákimi Ádilbek Jaqsybekovtyń tóraǵalyǵymen ótken kezekti apparattyq keńeste qala basshysy aıtty, dep habarlaıdy elorda ákimdiginiń baspasóz qyzmetinen.
«Senbi kúni, 22 qarashada №43 baǵyttaǵy avtobýs pen «KamAZ» markaly kóligi soqtyǵysqan. Oqıǵa saldarynan 22 adam medıtsınalyq kómekke júginse, 7 adam aýrýhanaǵa jatqyzyldy. Bir aptada qoǵamdyq kóliktiń qatysýymen eki JKO oryn aldy, bul baryp turǵan soraqylyq. Qalalyq prokýrorǵa, ІІD bastyǵyna istiń mán-jaıyn anyqtap, osyndaı jaǵdaılarǵa budan bylaı jol bermeý úshin naqty sharalar qabyldaýdy tapsyramyn», - dedi Á.Jaqsybekov. Ótken aptada qala turǵyndarynyń ótinish-tilekteriniń basym bóligi qoǵamdyq kólik jumysyndaǵy aqaýlarǵa qatysty boldy. Avtobýstardyń qozǵalys ýaqyty aralyǵynyń ulǵaıýy, olardyń lyq toly bolatyny aıtylǵan. Qala basshysy adamdar kóp júretin jelilerge jańa 36 avtobýs shyǵarýdy tapsyrdy.
