Astana qalasynyń ákimi jańa baspasóz hatshysyn tanystyrdy
ASTANA. QazAqparat - Búgin kezekti apparat jınalysynda Á. Jaqsybekov Astana qalasy ákiminiń baspasóz hatshysy jáne baspasóz qyzmetiniń jańa basshysy Janar Ázirqanqyzy Óteshevany tanystyrdy, dep habarlady astana.gov.kz.
J. Ótesheva 2010 jyldan 2015 jylǵa deıin Astana qalasy Týrızm, dene shynyqtyrý jáne sport basqarmasynyń baspasóz hatshysy bolyp qyzmet atqarǵan, 2015 jyldan Sporttyq jekpe-jek jáne kúsh qoldanylatyn sport túrleri konfederatsııasynyń BAQ-pen baılanys qyzmetinde jumys istegen. Úzdik sport jýrnalısi retinde S. Berdiqulov atyndaǵy syılyqtyń laýreaty atanǵan (2011 j.). Sonymen qatar, sońǵy eki jyldyń júzinde BAQ jumysy máseleleri boıynsha Gennadıı Golovkınniń komandasyna kómektesken bolatyn.
