Astana qalasynyń ákimi Tuńǵysh Prezıdent kúnimen quttyqtady
ASTANA. QazAqparat - Astana qalasynyń ákimi Ádilbek Jaqsybekovtyń Qazaqstan Respýblıkasynyń Tuńǵysh Prezıdenti kúnimen quttyqtady, dep habarlady astana.kz. QazAqparat Elorda ákimi quttyqtaýynyń mátinin jarııalap otyr.
Qurmetti astanalyqtar jáne qala meımandary!
Sizderdi 1 jeltoqsan - Qazaqstan Respýblıkasy Tuńǵysh Prezıdenti Kúni merekesimen shyn júrekten quttyqtaımyn! Bul - el halqynyń birligi men berekesin ulyqtap, memlekettiń mereıin asyratyn kún. Osynaý jyldar ishinde Elbasynyń dana saıasatynyń, dara kóshbasshylyǵynyń arqasynda elimiz eren jetistikterge qol jetkizdi. Talaı asýlardy baǵyndyrǵan memleketimizdiń álem elderi arasyndaǵy abyroıy ýaqyt sanap artyp keledi. Munyń barlyǵy da búgingi táýelsizdigimizdi tuǵyrly etý jolyndaǵy Tuńǵysh Prezıdetimiz - Elbasynyń eseli eńbeginiń, kóregen jasampazdyǵynyń jemisi. Osynaý mereke kúni Sizderge zor densaýlyq, otbasylaryńyzǵa baq pen bereke, shańyraqtaryńyzǵa shattyq tileımin! Astana qalasynyń ákimi - Ádilbek Jaqsybekov
