Astana qalasynyń ákimi reseılik gýbernatorymen kezdesti
ASTANA. QazAqparat- Ekijaqty kezdesý barysynda taraptar aımaqtar arasyndaǵy yntymaqtastyq ornatýdy talqylady, dep habarlaıdy elordanyń medıaortalyǵy.
24 shildede Reseı pavılony alańynda Chelıabınsk oblysynyń «Qoljetimdi energııa: ınfraqurylymdaǵy ınnovatsııa» taqyryptyq aptalyǵy bastaldy. Sharalar legin «Ýral» memlekettik bı ansambliniń kontserttik baǵdarlamasy ashty. Búgin Chelıabınsk oblysynyń stendi ashyldy. Onda Ońtústik Oral energetıka salasynda, onyń ishinde balamaly kózderi týraly kompanııalar men ǵylymı uıymdardyń jobalary usynyldy.
Chelıabınsk oblysynyń gýbernatory Borıs Dýbrovskıı Astanaǵa Reseı Federatsııasynyń pavılonynda Chelıabınsk oblysynyń kúnderiniń ashylýyna jáne «Bıznes energııasy - damý energııasy» bıznes-forýmyna qatysý maqsatynda arnaıy keldi.
«Qurmetti Borıs Aleksandrovıch, Qazaqstannyń astanasy - Astanada, EKSPO-2017 kórmesinde ózińizdi kórgenimizge qýanyshtymyz. Bizdiń halqymyzdyń, el basshylarynyń qarym-qatynasy men strategııalyq seriktestigi barlyq baǵytta qarqyndy damýda. Biz reseılik aımaqtarmen saýda, týrızm, tipti barlyq baǵytta áriptestigimizdi damytqymyz keledi. Sol sebepti EKSPO kórmesinde Chelıabınsk oblysynyń aptalyǵy, kóptegen konferentsııalar, dóńgelek ústelder, bıznes ókilderimen kezdesýler ótip jatyr. Biz sátti kelissózder júrgizip, birlesken jobalarymyz týraly sóılestik», - dedi qala basshysy Chelıabınsk oblysy aptalyǵynyń ashylý rásiminde.
Kezdesý aıasynda taraptar eki aımaq arasyndaǵy qarym-qatynastyń basym baǵyttaryn talqylady. Tájirıbemen bólisý baǵytyndaǵy negizgi másele - ShYU men BRÚQO sammıtterine daıyndalý jáne ótkizý , onyń ishinde qalalyq ınfraqurylym nysandaryna qatysty boldy. Sonymen qatar óńir basshylary Qazaqstan men Reseıdiń iri aımaqtarynda aqyldy qala júıesin engizý máselelerin saralady. Mashına qurylysy salasynda yntymaqtastyq ornatý da sóz boldy. Chelıabınsk oblysy Qazaqstanǵa azyq-túlik ımporttaýdy usyndy.
Ekijaqty kelissózdiń eń mańyzdy suraqtarynyń biri aımaqtar arasyndaǵy logıstıkalyq múmkindikti ulǵaıtý boldy. Atap aıtar bolsaq, Astana-Chelıabınsk áýe reısin ashý jáne «Ekaterınbýrg -Chelıabınsk» Oral jyldam magıstral qurylysyn múmkindiginshe Astanany qamtý arqyly júrgizý usynyldy.
Kelisilgen suraqtar sapaly júzege asýy úshin gýbernator men ákim birlesip, jobalardyń júzege asýyn qamtamasyz etý maqsatynda jumys tobyn qurýǵa kelisti.
«Biz Astana men Chelıabınsk arasynda mindetti túrde jańa reıs ashamyz dep boljadyq. Ázirge aptasyna 2-3 reıs bolady dep josparlaýdamyz. Bul bıznestiń, týrıstik qarym-qatynastyń artýyna jańa serpin beretinine senimdimin. Qazaqstandyq dostarǵa bizdiń usynarymyz kóp. Sizderdiń de Chelıabınsk turǵyndaryna kórseter dúnıelerińiz kóp. Biraq EKSPO jumysymen bizge munda kelý óte qyzyq bolady», - dedi Borıs Dýbrovskıı.
Budan bólek, Chelıabınsk oblysynyń aptalyǵy aıasynda konferentsııa, bıznes-forýmdar kásipkerlermen kezdesýler ótedi, kelissózder júrgiziledi. Erteń «Balamaly energetıkanyń bolashaǵy: naqty ister men keleshegi» taqyrybynda ǵylymı-praktıkalyq konferentsııa ótedi.
