Astana qalasynyń ákimi 154 jer telimin tegin berýge ázir
ASTANA. 27 jeltoqsan. QazAqparat - Biz qalanyń ishinde 154 jer telimin tegin berýge ázirmiz. Bul týraly búgin QR Ortalyq kommýnıkatsııalar qyzmetinde ótken brıfıngte Astana qalasynyń ákimi Imanǵalı Tasmaǵambetov málim etti.
Qala basshysynyń aıtýynsha, elordada kólik turaǵy máselesi áli kúnge deıin kókeıkesti bolyp tur. Sebebi sońǵy bes jyldyń ishinde boı kótergen turǵyn úılerdiń jartysynda parkıng joq. «Budan bólek, qalada kelýshiler parkıngteri qarastyrylmaǵan. Osyǵan oraı, biz 154 jer telimin alyp qoıdyq. Ákimdik oǵan ınjenerlik jelilerdi tartyp, onyń bárin bızneske tegin berýge ázir. Investorlar tabylsa, men olarmen jumys isteýge daıynmyn», - dedi I.Tasmaǵambetov.
