Astana qalasynyń ákimdiginde kóp balaly analardy «Altyn alqa» jáne «Kúmis alqa» alqalarymen marapattaý saltanaty ótti
STANA. Naýryzdyń 4-i. QazAqparat /Gúlmıra Álıakparova/ - Búgin Astana qalasynyń ákimdiginde 6 jáne odan da kóp balany tárbıelegen analar «Altyn alqa» jáne «Kúmis alqa» medaldarymen saltanatty túrde marapattaldy,
dep habarlaıdy QazAqparat.
Qazaqstan Respýblıkasy Prezıdentiniń Jarlyǵymen búgin «Altyn alqany» - 60 jáne «Kúmis alqa» alqasyn - 24 aqjaýlyqty ana taqty. Memlekettik nagradalardy Saryarqa aýdanynyń ákimi Sábılá Mustafına tapsyrdy.
S.Mustafınanyń sózine qaraǵanda, 6 jáne odan da kóp balalardy tárbıelegeni úshin memlekettik medaldar analardyń kelip túsken ótinishterine baılanysty kezeń-kezeńimen tapsyrylyp keledi. Buǵan deıin bul qurmetti alqany Saryarqa aýdanynda turatyn 11 kóp balaly ana taqqan bolatyn. Aldaǵy kúnderi olardyń qatary taǵy 54-ke tolyǵady dep kútilýde.
Aýdan ákiminiń aıtýynsha, Prezıdenttiń Jarlyǵymen «Altyn alqa» jáne «Kúmis alqa» medaldarymen marapattalýy tıis kópbalaly analardyń naqty sanyn dóp basyp aıtý múmkin emes. «Sebebi Astanada kóshi-qon úrdisteriniń qarqyny joǵary. Sondyqtan statıstıka da kún saıyn ózgerip otyr», - deıdi ol.
Aıta keteıik, Memleket basshysy N.Nazarbaevtyń tapsyrmasymen kóp balaly analarǵa qurmet ataqtaryn berý tártibi qaıta qaralyp, 2010 jyldan bastap «Altyn alqa» nagradasy 7 balany, al «Kúmis alqa» 6 balany tárbıelegen analarǵa beriletin bolyp uıǵaryldy. Osyndaı nagradalarǵa laıyqty analar aı saıyn 8 myń 478 teńge mólsherinde arnaıy memlekettik járdemaqy alady.
