Astana qalasynyń ákimdiginde birqatar kadrlyq aýys-túıister boldy
Bul týraly qala ákimi apparatynyń baspasóz qyzmetinen habarlandy.
26 jasar Pavel Kýlagın basqa jumysqa aýysýyna baılanysty qyzmetinen bosaǵan Sapar Ahmetovtiń ornyna Almaty aýdanynyń ákimi bolyp taǵaıyndaldy.
P.Kýlagın Aqmola oblysy Alekseevka aýylynda dúnıege kelgen. Joǵary bilimdi, Lomonosov atyndaǵy MMÝ jáne Reseı Federatsııasy Prezıdenti janyndaǵy Memlekettik qyzmet akademııasyn bitirdi. Qostanaı oblysy ekonomıka jáne bıýdjettik josparlaý departamentinde, Astana qalasynyń ákimdiginde túrli qyzmetter atqardy. Buǵan deıin Astana qalasynyń Esil aýdany ákiminiń orynbasary laýazymynda bolǵan.
Astana qalasy Energetıka jáne kommýnaldyq sharýashylyq basqarmasynyń bastyǵy bolyp 51 jastaǵy Manaphan Qanseıitov taǵaıyndaldy. Ol basqa jumysqa aýysýyna baılanysty qyzmetinen bosaǵan Qýanysh Beısenbınovti aýystyrdy.
M. Qanseıitov Jambyl oblysy Talas aýdany Qarataý sovhozynda dúnıege kelgen. Joǵary bilimi bar. Qazaq hımııa-tehnologııalyq ınstıtýtyn «ınjener-qurylysshy» mamandyǵy boıynsha bitirdi.
Óndiriste jumys istegen. Oqytýshylyq jáne ǵylymı jumystarmen aınalysqan, tehnıka ǵylymdarynyń kandıdaty. 2006 jyldan 2012 jylǵa deıin Almaty qalasynyń ákimdiginde túrli qyzmetter atqardy. 2012 jyldyń maýsym aıynan Astana qalasynyń energetıka jáne kommýnaldyq sharýashylyq basqarmasy bastyǵynyń orynbasary laýazymynda boldy.
