Astana qalasynyń ákimdigi saılaýshylar tizimin naqtylaý úshin call-ortalyǵyn qurdy

Onda árbir azamat tańerteńgi saǵat 09.00-den keshki 18.00-ge deıin 8 (7172) 55-74-50, 55-74-55 jáne 55-74-53 nómirlerine qońyraý shalyp, saılaýshylar tizimindegi ózi týraly derekterdi bile alady.

2011 jylǵy 3 sáýirde ótetin kezekten tys Prezıdenttik saılaý kezinde Astana qalasynda saılaýshylar úshin barlyǵy 215 saılaý ýchaskesi jumys isteıdi. Onyń 71-i - Saryarqa aýdanynda, 89-y - Almaty jáne 55-i - Esil aýdandarynda ornalasqan.

Esterińizge salaıyq, «Saılaý týraly» QR Zańynyń 4-taraýyna sáıkes, saılaýshy saılaýǵa turǵylyqty tirkelgen jeri boıynsha qatysa alady. Eger saılaýshy, saılaýǵa deıin keminde otyz kún buryn óziniń tirkelgen orny boıynsha daýys berýge múmkindigi joqtyǵyn bilse, saılaý kúni bolatyn jerdiń ákimdigine ózin saılaýshylar tizimine qosý jóninde aldyn ala jazbasha túrde ótinish bere alady.