Astana qalasynyń ákimdigi «Óz emhanańyzdy bilesiz be?» aktsııasyn júrgizýde
ASTANA. QazAqparat - Astana qalasynyń ákimdigi «Óz emhanańyzdy bilesiz be?» aktsııasyn júrgizýde. Bul týraly www.astana.kz saıty habarlady.
Aktsııa úıden, ne keńseden shyqpastan qandaı emhanada tirkeýde turǵanyńyzdy anyqtap, ǵalamtor arqyly www.astana.kz. saıtyna kirip, basqa emhanaǵa tirkeýge turýǵa múmkindik beredi. Atalǵan aktsııa qaladaǵy kóshi-qon úrdisiniń joǵarylyǵymen, ómir súrý sapasyn jaqsartý maqsatynda jıi páterge qonystanýmen jáne jańa emhanalyq keshenderdiń qoldanysqa berilýimen baılanysty. Aǵymdaǵy jyldyń sońyna deıin qalanyń sol jaǵalaýynda, Kereı-Jánibek handar kóshesiniń boıynda 500 adam qabyldaýǵa qaýqarly ambýlatorlyq-emhana ashylady. Ilınka turǵyn alabynda aýysymyna 150 adam qabyldaıtyn alǵashqy medıtsına-sanıtarlyq ortalyq; Dosmuhameduly kóshesinde aýysymyna 150 adam qabyldaıtyn alǵashqy medıtsına-sanıtarlyq ortalyǵy ashylady.
