Astana qalasynyń ákimdigi Eýropalyq Sapa menedjmenti qorynyń sertıfıkatyna ıe boldy

Bul týraly ákimdiktiń baspasóz qyzmetinen málim etti.

2011 jyldyń 19 jeltoqsanynda Brıýsselde, Eýropalyq Sapa menedjmenti qorynyń shtab-páterinde Astana qalasy ákimdigine «Múltkisiz moıyndalǵandyq» sertıfıkatyn tapsyrý saltanaty ótti.

Shara barysynda EFQM bas dırektory Per Kashe Astana qalasy ákiminiń orynbasary Erlan Qojaǵapanovqa sertıfıkatty tabys etti. Ol, EFQM-nyń «Múltiksiz moıyndalǵandyq» sertıfıkaty Qazaqstan elordasynyń Eýropada keń taratylǵan basqarý standarttaryna sáıkes kelýge umtylýshylyǵyn qýattaıtyndyǵyn atap ótti.

Osylaısha, Astana qalasynyń ákimdigi EFQM sertıfıkatyna ıe bolǵan qazaqstandyq birden bir memlekettik organ boldy. Álemde beldi halyqaralyq qordyń sertıfıkatyna barlyǵy tórt mýnıtsıpalıtet (ákimdik) qana ıe. Aıta keteıik, sońǵy jyldarǵa deıin EFQM sertıfıkaty kommertsııalyq kásiporyndarǵa berilip keldi. Biraq 2008 jyly alǵash ret sertıfıkatty Túrkııanyń Býrsa qalasy aldy. Odan keıin, marapatqa polshalyq Djerjonıov (2010 jyly) jáne ıspandyq Kıýdad (2011 jyly) qalalary laıyq dep tanyldy.

Shara barysynda Astana ákimdigi EFQM-diń aldyńǵy qatarly eýropalyq uıymdar tizimine engendigi atap ótildi. Bul óz kezeginde, qalanyń ımıdjdik kelbetin qalyptastyrýǵa septigin tıgizeri sózsiz.