Astana qalasyndaǵy Nazarbaev Zııatkerlik mektebiniń alǵashqy túlekteri túlep ushty
ASTANA. 19 maýsym. QazAqparat - Erteń saǵat 16.00-de Astana qalasyndaǵy Nazarbaev Zııatkerlik mektebinde 11-synyp oqýshylaryna jalpy orta bilim týraly attestat tapsyrý rásimi saltanatty túrde ótedi.
Merekelik is-sharada túlekterge attestat tapsyrylady. Bul týraly atalmysh oqý ornynyń baspasóz qyzmeti habarlaıdy.
Osy kúni mektep qabyrǵasynan 41 túlek shyǵady, olardyń barlyǵy memlekettik emtıhandy oıdaǵydaı tapsyrdy. Bıylǵy jyldyń basty jańalyǵy jáne ereksheligi - memlekettik emtıhandy tapsyrý. Bul emtıhandardy «Nazarbaev Zııatkerlik mektepteri» derbes bilim berý uıymy uıymdastyryp, ótkizdi jáne qorytyndy baǵalar UBT balldaryna aýystyrylyp, ár oqýshyǵa elimizdiń joǵary oqý oryndaryna túsýge múmkindik beretin sertıfıkattar tapsyrylady.
Túlekterdiń ishinde úsh oqýshy «Altyn belgi» jáne eki oqýshy úzdik attestatqa qol jetkizdi. «Altyn belgi» ıegerleri - Altaev Abzal, Nııazhan Botakóz jáne Aıtmurat Aqjúnis.
«Oqý jyly boıy oqýshylar tek qana bilim alýdy jalǵastyryp qoımaı, sonymen qatar Nazarbaev Ýnıversıtetine oqýǵa túsý úshin de ter tókti, solardyń ishinen 15 oqýshy alǵa shyqty. Endigi kezekte olar óz bilimderin Nazarbaev Ýnıversıtetinde jalǵastyrady» delingen baspasóz habarlamasynda.
Osy oqý jylynyń taǵy bir ereksheligi aǵylshyn tili páninen bilimi men biliktiligin tekseretin IELTS emtıhanyn tapsyrý boldy.
Saltanatty jıynda túlekterdiń ata-analary, mekteptiń seriktesteri jáne «Nazarbaev Zııatkerlik mektepteri» derbes bilim berý uıymynyń basshylyǵy qurmetti qonaqtar qatarynan oryn alady.
