Astana qalasyndaǵy dámhanalardyń birinde bolǵan tóbeleste eki jigitti pyshaqtap ketti
ASTANA. 8 mamyr. QazAqparat - Astana qalasy «Esil» aýdanynyń ІІB-na qalalyq aýrýhanaǵa keýde tusyna jáne ishki qurylystaryna pyshaqpen zaqym kelgen Astana qalasynyń 1985 jáne 1988 jylǵy eki turǵyny jetkizgendigi týraly habar tústi.
Bul týraly atalmysh departamenttiń baspasóz qyzmeti habarlady.
Jaǵdaıdyń sebepterin tekserý barysynda anyqtalǵandaı, jaraqattanǵan jigitter dostarymen birge dámhanada bolǵan. Temeki tartý úshin dalaǵa shyqqan olar belgisiz úsh jigitpen sózge kelispeı qalǵan. Sonyń saldarynan belgisiz bireý eki jigitke pyshaq salǵan.
Jedel-izdestirý sharasynyń barysynda «Esil» aýdany ІІB-nyń qyzmetkerlerimen pyshaq jaraqatyn salǵan azamattyń jeke tulǵasy anyqtalyp, ustaldy. Ol Aqmola oblysynyń týmasy, 1987 jylǵy T. esimdi azamat bolyp shyqty. Ol buǵan deıin «qaraqshylyq» jáne «bopsalaý» boıynsha isti bolǵan. Ol óz kinásin moıyndady.
Bul fakti boıynsha QR QK-niń 257 babymen qylmystyq is qozǵaldy. T. esimdi azamat Astana qalasynyń ІІD-niń ýaqytsha ustaý abaqtysyna qamaldy.
