Astana qalasyndaǵy «Almaty» aýdanynda sý jetkizý tolyqtaı qalpyna keltirildi - QR TJM
ASTANA. 7 jeltoqsan. QazAqparat - Astana qalasyndaǵy «Almaty» aýdanynda sý jetkizý tolyqtaı qalpyna keltirildi, dep habarlaıdy QR Tótenshe jaǵdaılar mınıstrliginń baspasóz qyzmeti.
«Sý qubyrlarynyń tozýyna baılanysty Astanada 6 jeltoqsan kúni saǵat 22.00.-de Muńaıtpasov kóshesi, 5 meken-jaıy boıynsha, sorǵytý-súzý stansasy ornalasqan aýdanda 800 mm uzyndyqta sý qubyry jarylǵan. Sonyń saldarynan Abylaıhan dańyǵylynda; Ál-Farabı shaǵyn aýdanynda; 1,2,3,4,5,6,9 shaǵyn aýdandarda, Ońtústik-Shyǵys shaǵyn aýdanynda (sol jaǵy) turatyn halyq, 10 medıtsınalyq mekeme, AQSh elshiligi, Beıbitshilik jáne kelisim saraıy, №52 orta mektep, №38 bala baqsha, 5 monsha kesheni, 11 jeke kásiporyn sýsyz qalǵan bolatyn. 7 jeltoqsan kúni tańǵy saǵat 04.15-te sý jetkizý tolyqtaı qalpyna keltirildi», - delingen TJM baspasóz qyzmeti taratqan aqparatta.
