Astana qalasyndaǵy №66 mektep-lıtseıde Elbasynyń qatysýymen «Jas Ulan» birtutas balalar-jasóspirimder uıymynyń alǵashqy múshelerin qabyldaý saltanaty ótedi
ASTANA. 1 qyrkúıek. QazAqparat - 2011 jylǵy 1 qyrkúıekte Astana qalasyndaǵy №66 mektep-lıtseıde Memleket basshysy Nursultan Nazarbaevtyń qatysýymen «Jas Ulan» Birtutas balalar-jasóspirimder uıymy» respýblıkalyq qoǵamdyq birlestiginiń alǵashqy múshelerin qabyldaý saltanatty rásimi ótedi.
Bul týraly QR Bilim jáne ǵylym mınıstrligi habarlady.
Saltanatty jaǵdaıda mekteptiń 150 tańdaýly oqýshysy jańa «Jas Ulan» uıymynyń qataryna qabyldanatyn bolady. «Jas Ulan» birtutas balalar-jasóspirimder uıymy Elbasy Nursultan Nazarbaevtyń «Nur Otan» HDP HІІІ sezinde aıtqan bastamasy boıynsha quryldy.
«Jas Ulan» qyzmetiniń ereksheligi - balalar men eresekterdiń yntymaqtastyǵy. Balǵyn «jasulandyqtar» óskeleń urpaqty tárbıeleýde mektepterdiń pedagogıkalyq ujymdarynyń tiregi bolýy tıis.
«Jas Ulan» jańa turpatty jas qazaqstandyqty, ulttyń bolashaq elıtasyn qalyptastyrýǵa baǵyttalǵan balalar men jasóspirimder úshin biregeı uıym.
Bul kúni Memleket basshysy elordalyq «Nur Orda» qazaq-túrik lıtseıi» bilim kesheninde bolady. Memleket basshysy Qazaqstan Respýblıkasy Táýelsizdiginiń 20 jyldyǵyna arnalǵan saltanatty jıynǵa jáne tarıh sabaǵyna qatysady.
