Astana qalasyndaǵy 13 qurylys boıynsha is sotta qaralyp jatyr

ASTANA. QazAqparat - Elordadaǵy qurylysy tıisti ruqsattardy tolyq almastan bastalǵan 90 nysannyń 46-synda jumystar jalǵasa beredi, dep habarlaıdy QazAqparat tilshisi.

Bul jaıynda Astana qalasynyń qalalyq orta sapasy jəne baqylaý basqarmasynyń redaktsııa saýalyna bergen jaýabynda aıtylǵan.

«Astana qalasy aýmaǵynda jyl basynda ruqsat qujattary joq 90 qurylys nysanynyń qurylysy tirkeldi. Búgingi tańda 90 nysannyń 46 uıymy qurylysqa barlyq ruqsat qujattaryn aldy. Qalǵan 44 qurylys nysany boıynsha eskertýlerdi joıý jáne barlyq ruqsat qujattaryn, onyń ishinde ekologııalyq qorytyndysyn alý protsesi júrgizilýde», - dep jazylǵan resmı málimette.

2023 jyly Astana qalasynyń qalalyq ortany baqylaý jáne sapa basqarmasy Astana qalasynyń mamandandyrylǵan aýdanaralyq ekonomıkalyq sotyna qurylys-montajdaý jumystaryn toqtata turýǵa jáne buzýǵa 63 talap aryz joldaǵan.

«Onyń ishinde 13 talap aryz sotta qaralýda. 50 talap-aryzdy qanaǵattandyrý týraly sheshim shyǵaryldy. Sottardyń 8 sheshimi zańdy kúshine engen joq. 42 sot sheshimi Astana qalasynyń Ádilet departamentiniń oryndalýynda», - dep jazylǵan ákimdik jaýabynda.

Buǵan deıin sot sheshimimen buzýǵa jiberilgen 4 turǵyn úıdiń qurylysy qaıta jalǵasatyn bolǵanyn jazǵan edik.