Astana qalasynda JQTB juqtyrǵan 200-ge jýyq adam tirkelgen
ASTANA. Jeltoqsannyń 1-i. QazAqparat /Qanat Mámetqazyuly/ -Astana qalasynda JQTB juqtyrǵan 200-ge jýyq adam tirkeýde tur. Bul týraly Densaýlyq saqtaý mınıstrliginde «Qazaqstandaǵy AQTQ/JQTB boıynsha jaǵdaı jáne onyń aldyn alý» atty taqyrypta ótken brıfıngte Astana qalalyq JQTB-men kúres jáne aldyn alý Ortalyǵynyń bas dárigeri Erik Mýsın málim etti,
dep habarlaıdy QazAqparat.
«Tirkelgenderdiń jartysyna jýyǵy turaqty astanalyq emes, jumys babymen kelgender, eńbekshi-mıgranttar bolyp tabylady. Jalpy tirkelgenderdiń basym bóligi jastar, áleýmettik belsendi toptaǵylar bolyp otyr. Sondaı-aq, ókinishke qaraı, Astanadaǵy aýrý juqtyryp tirkelgender halyqtyń qalyń jiginiń barlyǵyn qamtyǵan. Onyń ishinde, jezókshelikpen aınalysatyndar da, nashaqorlar da, tipti memlekettik, áleýmettik qyzmetkerler de barshylyq. Sonymen birge, sońǵy kezderi júkti áıelderdiń arasynda aýrý juqtyrǵandar da kóbeıip barady. Olardyń kópshiligi týý barysynda aýrýǵa shaldyqqandary anyqtalady. Óıtkeni, bundaı áıelder Astana qalasynyń turǵyny emes, basqa jaqtan kelgender bolyp shyǵady. Sońǵy aıda dál osyndaı tórt jaǵdaı tirkeldi», dedi E. Mýsın.
