Astana qalasynda jeńil atletıkadan halyqaralyq jarys ótedi
ASTANA. QazAqparat - Astana qalasynda qańtar aıynda jeńil atletıkadan «Astana meeting world indoor tour» ótedi, dep habarlaıdy QazAqparat tilshisi.
Bul jóninde elimizdiń jeńil atletıka federatsııasy habarlady.
Atalǵan jarys jabyq keshende ótkiziletin jeńil atletıka týrnıriniń bedelin kóterý maqsatynda qolǵa alynǵan. Ol jeńil atletıka jarystaryna arnalǵan «Gaýhar lıga» úlgisinde ótkiziledi. Bul serııa burynǵy «IAAF Indoor Permit Meetings» serııasyn aýystyrdy.
Ótken jyldan bastap týrnırde jarystyń altyn, kúmis jáne qola deńgeıi engizildi. «Astana Meeting» týrnıri jarystyń kúmis mártebesine ıe bolyp otyr.
Dúbirli dodaǵa álemniń kóptegen elderinen 100-ge jýyq sportshy qatysady dep kútilýde. Olar jeńil atletıkanyń 12 túrinen synǵa túsedi.
Jarystyń árbir túri boıynsha júlde qory - 4000 AQSh dollary.
Atalǵan jarys otandyq jeńil atletıkanyń bedelin halyqaralyq deńgeıge kóterýge yqpalyn tıgizedi. Ol sportshylar arasyndaǵy básekelestikti arttyrady.
Týrnır Astana qalasyndaǵy «Qazaqstan» jeńil atletıkalyq sport kesheninde 23 qańtarda ótkiziledi.
Eske salsaq Qazaqstan tennıs quramasy United Cup komandalyq týrnırine qatysyp jatyr.
Foto: qazathletics.kz