Astana qalasynda «Úzdik jas otbasy» baıqaýyna ótinimderdi qabyldaý bastaldy

Konkýrsqa 29 jasqa tolmaǵan erli-zaıyptylar (erli-zaıyptylardyń biri 29 jasqa tolmaǵan bolýy kerek) qatysa alady, dep habarlaıdy elorda ákimdiginiń resmı saıty.

Baıqaýdyń maqsaty – jas otbasylar arasynda mádenıet, salt-dástúr men adamgershilik qundylyqtar negizinde neke jáne otbasy ınstıtýtyn nyǵaıtý.

Konkýrstyń mindetteri:

dástúrli otbasylyq qundylyqtardy jáne otbasyna degen jaýapkershilikpen qaraýdy nasıhattaý;

- jastar arasynda ulttyq, mádenı dástúrler men otbasylyq áýletterge qurmet;

- jas otbasylardyń ómir súrý sapasyn arttyrý;

- salaýatty otbasylyq demalysty uıymdastyrý;

- otbasylardyń shyǵarmashylyq áleýetin ashýǵa járdemdesý;

- jas otbasylarǵa qolaıly kóńil kúı syılaý;

- mádenı murany jáne qoǵamnyń úzdik dástúrlerin saqtaý.

Otbasylar mynadaı júldelerge ıe bola alady:

1 oryn – 500 000 tg

2 oryn – 350 000 tg

3 oryn – 250 000 tg

Ótinish berý úshin Telegramm messendjeri arqyly 8777 010 4240 nómirine kelesi qujattardy jiberý qajet:

1. Skanerlengen neke týraly kýálik;

2. Skanerlengen erli-zaıyptylardyń ekeýiniń jeke kýáligi;

3. Baılanys málimetteri.

4. Instagram akkaýnty

5. «Nelikten biz bul saıysta jeńiske jetýimiz kerek» taqyrybyna beınerolık.

Foto: chicagoildivorcelawyer.com