Astana qalasynda turǵyn úıdiń baǵasyn ońtaılandyrý jónindegi keshendi jospar bekitildi
ASTANA. QazAqparat - QR Úkimeti Astana qalasynda turǵyn úıdiń baǵasyn ońtaılandyrý jónindegi keshendi jospardy bekitti. Bul týraly QR Básekelestikti qorǵaý agenttiginiń baspasóz qyzmetinen habarlady.
«Astana qalasynda turǵyn úıdiń baǵasyn ońtaılandyrý jónindegi keshendi jospar Qazaqstan Respýblıkasy Úkimetiniń 2014 jylǵy 2 sáýirdegi № 296 qaýlysymen bekitildi. Qaýly Qazaqstan Respýblıkasy Prezıdentiniń qatysýymen ótken keńestiń 2013 jylǵy 27 qarashadaǵy hattamasyna sáıkes ázirlendi.
Qaýlyny qabyldaýdyń maqsaty Astana qalasynda turǵyn úıdiń baǵasyn ońtaılandyrý bolyp tabylady», - dep jazylǵan habarlamada.
Keshendi jospar 17 is-sharany qamtıdy, olardy iske asyrý turǵyn úı naryǵyndaǵy baǵalyq jaǵdaıdy turaqtandyrýǵa múmkindik beredi.
Atalǵan qaýly respýblıkalyq bıýdjetten qarjylyq shyǵyndardy boljamaıdy jáne teris áleýmettik-ekonomıkalyq jáne quqyqtyq saldarlarǵa ákep soqpaıdy.
