Astana qalasynda salynyp jatqan «Áziret Sultan» meshitiniń bas ımamy bolyp Q.Joldybaıuly taǵaıyndaldy
ASTANA. 3 qarasha. QazAqparat /Gúlmıra Alıakparova/ - Qazaqstan musylmandary dinı basqarmasynyń tóraǵasy, Bas múftı Ábsattar qajy Derbisáliniń buıryǵymen Qaırat Joldybaıuly QMDB Apparaty jetekshisi qyzmetinen bosatylyp, Astana qalasynda jańa salynǵan «Áziret Sultan» meshitiniń bas ımamy bolyp taǵaıyndaldy. Bul týraly QMDB-nyń baspasóz qyzmetine málim etti.
Qazaqstannyń Bas múftıi Q.Joldybaıuly jańa qyzmetke óz suranysy boıynsha jiberilgenin jáne onyń elimizdegi eń iri meshitterdiń birine ımamdyq qyzmetpen birge din salasyndaǵy ǵylymı-zertteý jumystaryn da jalǵastyratynyn málimdedi.
Qazaqstan musylmandary dinı basqarmasynyń Apparat jetekshisi qyzmetine budan buryn «Islam mádenıeti men bilimin qoldaý qorynyń» atqarýshy dırektory qyzmetin atqaryp kelgen Balǵabek Ábdiqaıymuly Myrzaev taǵaıyndaldy.
