Astana qalasynda Kóńildi tapqyrlar jańa teatry quryldy
STANA. Qyrkúıektiń 24-i. QazAqparat /Gúlmıra Álıakparova/ - Keshe, elordadaǵy Kongress-Holl saraıynda Astana qalasynyń Kóńildi tapqyrlar jańa teatrynyń tusaýy kesildi.
«Bizdi KVN-men shatastyrmańyzdar. Sebebi KVN - kóńildiler men tapqyrlar klýby. Al biz qalamyzda «Astana qalasynyń Kóńildi tapqyrlar teatryn» ashyp otyrmyz. Bizdiń teatr ózge teatrlardan erekshe. Qazir Qazaqstanda jeke ázil-syqaq oryndaýshylar bar jáne biz olardyń basyn biriktiretin teatr ashyp otyrmyz», - dedi Teatrdyń dırektory jáne kórkemdik jetekshisi Tursynbek Qabatov.
Onyń sózine qaraǵanda, mundaı teatrdy ashý ıdeıasy Astana qalasynyń ákimi Imanǵalı Tasmaǵambetovke tıesili jáne ol qala basshysynyń tikeleı qoldaýymen qurylǵan.
Teatrdyń shyǵarmashylyq toby jeke ázil oryndaýshylardan, ıaǵnı parodıster men ázil-syqaqshylardan quralǵan. Atap aıtqanda, olar - tanymal qazaqstandyq satırık Nurjan Tutov, jas oryndaýshylar Erbolat Tólegenov, Amanǵalı Sypabekov jáne basqalar. Rejısseri - Ulttyq KVN qurama komandasynyń kapıtany Nurlan Qoıanbaev.
