Astana qalasynda kondıterler festıvali ótedi

Kondıterlik ónim shyǵaratyn 20-dan astam kásiporyndar Kongress-holda qala turǵyndary men qonaqtaryna tátti úlestirmek. Bul týraly Astana qalasynyń 16 jyldyǵyna arnalǵan merekelik sharalardy daıyndaý jáne ótkizý jónindegi uıymdastyrý komıtetiniń medıa-shtabynan habarlaıdy. Kondıterler festıvali Astanadaǵy kondıterlik óner dárejesin arttyrýǵa, kondıterlik sheberlikti dáripteý maqsatynda ótkizilip keledi. Atalmysh shara aspaz sheberlerge ózderiniń tátti týyndylary men tańdaýly taǵamdaryn keń aýqymda tanystyrý jáne táttiqumar jandarǵa dámdi mereke kýágeri bolý úshin taptyrmas múmkindik. Festıval qatysýshylary Astana turǵyndary men qonaqtaryna eń basty «Astana - súıikti qalam!» atalymynda san túrli torttardy usynbaq. Uıymdastyrýshylardyń pikirinshe, festıval qoǵamdyq tamaqtaný salasynda mamandardyń kásibı deńgeıin arttyrǵý sep bolmaq. Shara aıasynda kórme-jármeńke ótkizilip, daıyndalǵan taǵamdardan dám úlestiriledi.