Astana qalasynda fantast-jazýshylar men fýtýrologtardyń Halyqaralyq kongresi ótedi
ASTANA. 29 qarasha. QazAqparat - Erteń Astanada fantast-jazýshylar men fýtýrologtardyń birinshi halyqaralyq kongresi ashylady, ol 30 qarashadan 2 jeltoqanǵa deıin Nazarbaev Ýnıversıtetinde ótkizilmek, dep habarlaıdy «Bolashaq» Qaýymdastyǵy.
Kongress Qazaqstan Respýblıkasynyń táýelsizdigi men adamnyń ǵaryshqa alǵashqy saparynyń 50 jyldyǵyna oraı jarııalanǵan «Baıqońyr» Qoǵamdyq syılyǵynyń aqyrǵy is-sharasy bolyp tabylady.
Kongrestiń qonaqtary men spıkerleri - áıgili fantast-jazýshy Sergeı Lýkıanenko, Reseı men Ýkraınanyń Jazýshylar odaqtarynyń múshesi Vasılıı Golovachev, aqyn, Qazaqstan Jazýshylar odaǵynyń múshesi Orynbaı Janaıdarov, fantast-jazýshy Júnis Sahıev, fantastıka men balama tarıhty zertteýshi Sergeı Pereslegın, Sankt-Peterbýrg qalasyndaǵy «Terra Fantastica» baspasynyń dırektory Nıkolaı ıÝtanov jáne taǵy da basqalar. Kongreske sondaı-aq rok-mýzykant, jazýshy, «Mýmıı Troll» tobynyń múshesi Ilıa Lagýtenko qatysady.
